Paris, 8 may, AZƏRTAC
Hüquq müdafiəçiləri Fransa səhiyyə sistemindəki ciddi ayrı-seçkiliklə bağlı həyəcan təbili çalır. Hüquq müdafiəçilərinin 1500 xəstənin və mütəxəssisin ifadəsinə əsaslanan 68 səhifəlik hesabatı həkim qəbuluna yazılmasından məsləhətləşmələrə, təcili yardım otaqlarına qədər səhiyyənin bütün mərhələlərində üzləşilən ayrı-seçkilikdən bəhs edir. “Səhiyyə sistemində ayrı-seçkiliyin qarşısının alınması: Bərabərlik problemi” adlı hesabat sistemli bir problemi vurğulayır: Fransa səhiyyə sistemində ayrı-seçkilik var.
Bildirilir ki, ayrı-seçkilik müxtəlif formalarda olub. Qeyri-ağ kimi qəbul edilən insanlar tez-tez simptomlarının minimuma endirilməsini yaşayırlar. Qadınlar, xüsusən də gənc qadınlar və ya əcnəbi mənşəlilər, xüsusilə təcili yardım otaqlarında laqeyd qarşılanır və onlara məhəl qoyulmur. Xəstələr xarici görünüşünə və ya iqtisadi vəziyyətinə görə həkim müayinəsindən imtina ilə qarşılaşırlar. Əlilliyi olan insanlar onlayn görüş platformalarının əlçatmazlığı kimi struktur maneələrlə üzləşirlər.
Hesabata görə, ayrı-seçkilik səhiyyə qayğısından imtina ehtimalını 14% artırır. Bu rəqəm qadınlar, Afrika əsilli insanlar və ya müsəlmanlar üçün daha yüksəkdir. Bu imtina qayğının gecikməsinə, sağlamlığının pisləşməsinə və xəstələrin sağalma imkanlarını itirməsinə səbəb olur.
