Ermənistan baş naziri Nikol Paşinyanın hakim “Vətəndaş Müqaviləsi” partiyası 2026-cı ildə keçiriləcək parlament seçkilərində heç bir siyasi qüvvə ilə ittifaqa girmədən iştirak edəcək.
Senzor.az bildirir ki, bunu Ermənistan parlamentinin spikeri, partiyanın rəyasət heyətinin üzvü Alen Simonyan deyib.
"Növbəti seçkidə koalisiya ilə iştirak edəcəyimizi düşünmürəm və buna əminəm. “Vətəndaş Müqaviləsi” xalqla ünsiyyətdə olacaq və bir il sonra 50%+1 səs qazanacaq", - o qeyd edib.
Xatırladaq ki, Ermənistanda növbəti parlament seçkilərinin 2026-cı ilin iyun ayında keçirilməsi planlaşdırılır.
