Misir prezidenti də paradda iştirak edəcək

  Misir prezidenti Əbdülfəttah əs-Sisi İkinci Dünya müharibəsində Qələbənin 80 illiyinə həsr olunmuş tədbirlərdə iştirak etmək üçün Moskvaya gəlib.

Referans xəbər verir ki, bu barədə "RİA Novosti" məlumat yayıb.

Qeyd edək ki, Əbdülfəttah əs-Sisi cümə günü, mayın 9-da Moskvada Qırmızı Meydanda keçiriləcək paradda iştirak edəcək.

Bundan əvvəl Bosniya və Herseqovinanın Serb Respublikasının prezidenti Milorad Dodik, Belarus prezidenti Aleksandr Lukaşenko və Efiopiya prezidenti Taye Atske-Selassie Rusiyanın paytaxtına gəliblər.

Bildirilir ki, qələbə günü tədbirində 27 xarici ölkə liderinin iştirakı gözlənilir. Öz növbəsində Azərbaycan və Laos liderləri İlham Əliyev və Txonqlun Sisulit Moskvaya getməkdən imtina ediblər./publika.az