Azərbaycanın Ümummilli Lideri Heydər Əliyevin anadan olmasının 102-ci ildönümü münasibətilə “Azərbaycan-Türkiyə Nəqliyyat və Kommunikasiya əlaqələri: dünəni, bu günü və sabahı” adlı elmi seminar keçirilib. SİA xəbər verir ki, Bakı Atatürk Mədəniyyət Mərkəzində təşkil olunan seminar çərçivəsində Türkiyə-Azərbaycan əlaqələrindən danışılıb, nəqliyyatın iqtisadiyyatın aparıcı qüvvəsi olduğu vurğulanıb. Həmçinin, Ümummilli Lider Heydər Əliyevin “Əsrin müqaviləsi” ilə Azərbaycan iqtisadiyyatına verdiyi töhfələrdən danışılıb, bu siyasəti Prezident İlham Əliyevin uğurla davam etdirdiyi bildirilib.
