Mayın 8-də Vatikanda konklav, yəni Papanın seçilməsi prosesi davam edəcək.
Mayın 7-də, konklavın ilk günü, Sikstin kapellasından qara tüstü qalxdı ki, bu da kardinalların seçim edə bilmədiklərini göstərirdi.
Vətəninfo.az xəbər verir ki , bu barədə “Reuters” məlumat yayıb. Son zamanlar heç vaxt ilk cəhddə Papa seçmək mümkün olmayıb, ona görə də bu nəticə tamamilə gözlənilən idi. Papa seçkilərinin ikinci günündə isə yekun nəticə qeydə alınıb. Həmin gün səsvermənin dörd raundu keçirilə bilər.Gizli səsvermədə 70 ölkədən 133 kardinal iştirak edir. 2013-cü ildə keçirilən sonuncu konklav zamanı səsvermədə 48 ölkədən 115 kardinal iştirak edib. Reuters-in məlumatına görə, bu, 12 illik hakimiyyətdə olduğu müddətdə mərhum Papa Fransiskin Katolik Kilsəsinin daha geniş əhatə dairəsini təmin edə bildiyini əks etdirir.Aprelin 21-də vəfat edən Argentinalı Roma Papası Fransisk 5 tur səsvermədən sonra konklavın ikinci günündə seçilib. Bundan səkkiz il əvvəl, konklavın ikinci günündə Almaniyadan XVI Benedikt də seçilmişdi.Sikstin kapellasından ağ tüstü çıxsa, bu, kardinalların katolik kilsəsinin növbəti papasını seçdiyi anlamına gələcək.
