Hindistan ordusu Pakistan və Pakistanın nəzarətindəki Azad Kəşmir ərazisində yerləşən hədəflərə hücum edib. Bildirilib ki, Pakistan ordusu 5 Hindistan döyüş təyyarəsi və 1 pilotsuz təyyarəni vurub. Hücumlar nəticəsində ölənlərin sayının 26-ya yüksəldiyi, ən azı 46 nəfərin yaralandığı bildirilib.
Hafta.az-ın yazdığına görə, Yıldız Texniki Universitetinin doktoru Elif Bali Kəşmirin statusunun dəyişməsi ilə iki ölkə arasındakı gərginliyin artdığını bildirərək, "Kəşmirin Hindistan hissəsinin muxtariyyətinin ləğvi ilə gərginlik artdı. Belə bir qarşıdurma gözlənilən idi, lakin onun miqyası bəlli deyildi. Terror aktları əhəmiyyətli və təxribatçı idi. Hindistan hökuməti Pakistana qarşı münasibəti daha da kəskinləşdirdi" deyib.
Oxşar vəziyyətin Pakistana da aid olduğunu deyən Bali münaqişələrin gedişindən də danışıb. O bildirib ki, Kəşmirin statusunun dəyişdirilməsi mühüm element olsa da, onların öz terror problemi var. “Pakistanda hərəkətə keçmək, əks-hərəkət yaratmaq kimi böyük bir niyyətin olduğunu düşünmürdüm. Bu vəziyyəti məhdud müharibə, müəyyən bir qarşıdurma forması ilə söndürmək olar" deyib.
Bali, İmran Xanın hakimiyyəti dövründə də Hindistanın Pakistandakı “terror düşərgələrini” bombaladığını xatırladıb. "Pakistan mülki hədəflərin vurulduğunu bildirmişdi. Bu hadisələr "Beynəlxalq ictimaiyyətdə müharibə həddinə çatdıqmı?" kimi suallar doğurdu. "Qorxu yaratsa da, proseslər şiddətlənmədi" deyən Bali bunun mövcud münaqişələrlə bağlı fərqli bir vəziyyət olduğunu söyləyib.
Bali deyib: "Hindistanın baş naziri Narendra Modi Pakistanla bağlanmış müqavilələri dayandırdı. Hind Su Hövzəsi razılaşması Hindistan üçün ciddi kozırdır. Bu, Kəşmirin Hindistana aid hissəsindədir. Razılaşmaya görə, Pakistan suyun 80 faizindən istifadə edir. Bu, Pakistan üçün vacib və lazımlı həcmdir. İki tərəf arasında gərginliyin su üzərində yenidən başladığını gördük. O vaxtdan bəri Hindistan bu prosesdə ani bir qərar vermədi. Hesab edirəm hücum məhdud olaraq qalacaq”.
Müharibənin qızışmasının digər ölkələrin də bu işə qarışacağı anlamına gəldiyini deyən Bali bildirib ki, münaqişə başlayandan sonra orada gərginliyin qarşısını almaq çox çətindir. Bunu məhdud saxlamaq lazımdır. Pakistan "cavab vermək hüququnu özümdə saxlayıram" desə də, hərbi cavab vermədi. Çünki Pakistanın da daxili fəaliyyətində problemlər var.
İsrailin Hindistana dəstək bəyanatı verdiyini deyən Bali, ABŞ prezidenti Donald Trampın "utancverici" açıqlamasına da toxunaraq, "Trampın "utancverici" açıqlaması həm də iki ölkənin ziddiyyətli tarixinə istinad edərək verdiyi bəyanatdır. “Hətta Tramp kimi münaqişələrlə maraqlanmayan liderlər üçün bunun qarşısı alına bilinməyən müharibəyə gətirib çıxarması riski var ki, bunun ABŞ-a da təsiri qaçılmazdır. Çünki ABŞ bu məsələdə mühüm mövqeyə malikdir, onun Hindistanla əlaqələri çox yaxşıdır. Pakistan isə ABŞ üçün əvəzolunmaz ölkədir. Vaşinqton məhz Pakistan vasitəsilə bu bölgəyə nəzarət edir. ABŞ həmçinin Pakistanı Çinə itirməməkdə maraqlıdır. Çinlə mübarizə məsələsi də var. ABŞ-ın Pakistandan imtina etmək lüksü yoxdur. Ona görə də Vaşinqton bu iki ölkə arasındakı müharibədə çətin vəziyyətə düşəcək”, - deyib.
Bali Türkiyə ilə Pakistan arasındakı dərin və köhnə əlaqələrə də toxunaraq deyib: "Türkiyənin Pakistanla sıx münasibətləri olmasına baxmayaraq, Hindistanla da yaxşı əlaqələri mövcuddur. Bu səbəbdən də Türkiyənin prosesdə vasitəçilik mövqeyində olacağı gözlənilir”.
