BAKI, 8 may. TELEQRAF
ABŞ yaxın günlərdə yeni “B61-13” termonüvə bombasının istehsalına başlayacaq.
Teleqraf xəbər verir ki, bu barədə ABŞ-nin Milli Nüvə Təhlükəsizliyi Administrasiyasının direktoru vəzifəsini icra edən Tereza Robbins Konqresdəki çıxışı zamanı məlumat verib.
Onun sözlərinə görə, ilk “B61-13” bombası bu ay istehsal olunacaq.
“B61-13” “B-61” cazibə bombasının yeni variantıdır. Onun yaradılması haqqında qərar 2023-cü ilin sonunda qəbul edilib. Gələn ilin sonuna qədər bombanın Amerika qırıcıları və “B-21” strateji bombardmançı təyyarəsi ilə silahlanması planlaşdırılır.
