"Qolden Steyt Uorriorz"in ulduz basketbolçusu Stefen Karrinin vəziyyətinə aydınlıq gəlib.
İdman.biz xəbər verir ki, o, pley-offun ikinci mərhələsinin ilk oyununda zədələnib.
Karrinin "Minnesota Timbervulvz"la mayın 9-da keçiriləcək ikinci qarşılaşmada meydana çıxmayacağı bildirilib. Ona əzələ gərilməsi diaqnozu qoyulub. 37 yaşlı basketbolçunun nə vaxt meydana dönəcəyi məlum deyil.
Qeyd edək ki, Karri "Qolden Steyt Uorriorz"un səfərdə 99:88 hesablı qələbə ilə başa çatan oyunun ikinci dövrəsində zədə üzündən vaxtında əvvəl görüşü dayandırmalı olub.
İdman.biz
