HƏMAS İzzəddin əl-Qəssam Briqadasının komandirinin Livanda İsrailin hava hücumu nəticəsində öldüyünü təsdiqləyib.
Axar.az xəbər verir ki, bu barədə HƏMAS-ın Teleqram kanalında məlumat yayılıb.
“Hərbi lider Xalid Əhməd əl-Əhməd Livanın cənubundakı Sayda şəhərində səhər namazı üçün məscidə gedərkən öldürülüb. Briqada verdiyi itkilərə baxmayaraq, işğala qarşı müqavimət göstərməyə və Qəzza əhalisini qorumağa davam edəcək”, - qeyd olunub.
Qeyd edək ki, daha öncə İsrail ordusu HƏMAS-ın Livandakı hərbi qanadının Qərb briqadasının komandirini məhv etməsi barədə məlumat yaymışdı.
