Pakistan Hindistanın raket zərbəsini tənqid etməklə kifayətlənə və ya bu hərəkətə oxşar cavab seçə bilər, lakin münaqişəni gərginləşdirməyə çalışmayacaq.
Publika.az "Lenta.ru"ya istinadən xəbər verir ki, bu barədə Hind Okeanı Regionu Mərkəzinin əməkdaşı Qleb Makareviç danışıb.
“Pakistan artıq Hindistanın aqressiv hərəkətlərinin qəbuledilməz olduğunu, beynəlxalq ictimaiyyətin bunu pisləməli olduğunu və Pakistanın gələcəkdə bu cür hücumlara cavab verəcəyini bildirib”, - deyə o vurğulayıb.
Politoloqun fikrincə, ölkənin hakimiyyət orqanları vurulan Hindistan qırıcılarını hücuma cavab olaraq təqdim edə bilər.
