Məlum olduğu kimi, hazırda Ermənistanda məskunlaşmış Xocalı qatili Vitali Balasanyan ötən günlərdə Rusiya prezidenti Vladimir Putinə müraciət edərək, ermənilərin Qarabağa geri dönməsi üçün yardım etməsini istəmişdi.
Tribunainfo.az xəbər verir ki, onun bu açıqlaması müəyyən müzakirələrə səbəb olmuşdu.
Dünən “Mülki Müqavilə” Partiyasından olan deputat Qaqik Melkonyan ona cavab verib. O deyib ki, Balasanyan özünü artistliyə qoyub. “Bu adam meymunluq edir. Guya, Qarabağ dərdi çəkir, ruslara müraciət edir. Onun Putinə Qarabağla bağlı müraciəti tamamilə həyasızlıq idi. Bu adam rusların ayaqları altına yıxılmaq üçün hər imkandan istifadə edir. Qarabağla bağlı müraciət isdə bəhanə idi. Əsas məsələ özünü ruslara xatırlatmaq idi ki, “mən burdayam, məndən istifadə edin”. Amma adam anlamır ki, istifadə bir dəfə olur. Sonra lazım olmur”.
Fərda Uğur
