Rusiya Xarici İşlər Nazirliyinin sözçüsü Mariya Zaxarova ABŞ prezidenti Donald Trampın İkinci Dünya Müharibəsində ABŞ-ın rolunu şişirtdiyini deyib.AFN.az xəbər verir ki, o, yerli mediaya açıqlamasında belə deyib: "Mən hər gün tvitləri, ABŞ Prezidenti Donald Trampın İkinci Dünya Müharibəsi ilə bağlı açıqlamalarını oxuyuram. Təhlil etdim, bir neçə gün izlədim ki, necə münasibət bildirim, sadəcə, bu fikri anlaya bilmədim: o, İkinci Dünya Müharibəsi haqqında niyə belə yazır? Niyə ABŞ üçün belə bir roldan danışır? Niyə şişirdir?"Zaxarova qeyd edib ki, Tramp həmişə hər şeyi şişirdib, hər şeyə hipertrofik emosiya ilə yanaşıb: "O, bunu gizlətmir, buna arxalanır, var-dövlətini və siyasi karyerasını bunun üzərində qurub, başa düşdüyüm kimi. Gəlin, Trampın dediyi kimi, “Amerika yenidən böyükdür” deyək, bunun birinci hissəsi var, bu düşüncənin ikinci hissəsidir və düşüncənin birinci hissəsi budur ki, Amerika dərin böhran içindədir".Rusiya XİN sözçüzü vurğulayıb ki, indiki məqamda Amerika xalqı, Amerika milləti, Amerika dövləti öz tarixini bilmir.Qeyd edək ki, Tramp ölkədə 11 noyabr və 8 may tarixini Birinci və İkinci Dünya Müharibələrində Qələbə günləri elan edib. O bildirib ki, Birləşmiş Ştatlar İkinci Dünya Müharibəsində qalib gəlmək üçün digər ölkələrlə müqayisə olunmayacaq dərəcədə çox işlər görüb.
