Dörd il sonra ABŞ-ın “Forbes” jurnalı “Ən zəngin 100 türk”ün siyahısını hazırlayıb. Siyahıya ilk dəfə 4 ad daxil olub.
Tribunainfo.az xəbər verir ki, Murat Ülker yenə zirvədədir.
Forbes Türkiyə 2025-ci il üçün “Ən zəngin 100 türk” siyahısını açıqlayıb və ölkənin iqtisadi güc balansını bir daha ortaya qoyub. Dörd illik fasilədən sonra açıqlanan siyahı iş dünyasının ən nüfuzlu adlarını bir araya gətirib və təəccüblü adlarla diqqət çəkib.
Siyahının başında “Yıldız Holdinq”in sədri Murat Ülker olub. Ülkərin sərvətinin 5,5 milyard dollar olduğu bildirilir. Qida, pərakəndə satış və qablaşdırma kimi bir çox sektorda fəaliyyət göstərən Yıldız Holdinqin böyüklüyü Murat Ülkerin zirvədə olmasında ən önəmli faktordur.
COVID-19 peyvəndi hazırlayan və BioNTech qurucusu Prof. Dr. Uğur Şahin 4,8 milyard dollarlıq sərvətlə siyahıda ikinci olub. Şahin həm türk əsilli olduğu, həm də qlobal sağlamlıq böhranına həll yolları hazırladığı üçün xüsusi bir fiqur kimi önə çıxıb.
Siyahıda üçüncü yerdə 4,3 milyard dollar sərvətlə Kazancı Holdinqin sahibi Cəmil Kazancı qərarlaşıb. Enerji və istehsala etdiyi investisiyalarla tanınan Kazancı Türkiyənin ən böyük sənaye qruplarından birini idarə edir.
Siyahıya bu il ilk dəfə daxil olan dörd ad aşağıdakılardır:
Hakan Safi – Safi Holding İdarə Heyətinin sədri
Kemal Tahir Güleryüz – Gülermakın əsas səhmdarı
Abidin Gülmüş – Gen İlaçın təsisçisi
Ahmet Ahlatcı – Ahlatcı Holdinqin sahibi
Bu girişlər tikinti, əczaçılıq və qiymətli metallar kimi sektorların da milyarderlər çıxarmağa başladığını ortaya qoyub.
Forbes-in 2025-ci il siyahısına ümumilikdə 108 nəfər daxil edilib. Eyni miqdarda sərvətə malik adlar bərabər seriya nömrələri ilə qeyd edildi. 2025-ci ilə qədər bu insanların ümumi sərvəti 128 milyard dollara çatıb. Bu rəqəm 4 il əvvəl bildirilən 100 milyard dollarlıq ümumi sərvətdən əhəmiyyətli artım deməkdir.
Dəniz Pənahova
