2025-ci ilin yanvar-mart ayları ərzində azad edilmiş rayonlarda tikinti-quraşdırma işlərinə 713 milyon 396.5 min manat vəsait sərf edilib.
“APA-Economics”in Dövlət Statistika Komitəsinin hesabatı əsasında apardığı hesablamalara görə, bu göstəricinin həcmi ötən ilin müvafiq dövrü ilə müqayisədə 401 milyon 588.5 min manat azdır. Belə ki, 2024-cü ilin I rübündə azad edilmiş rayonlarda tikinti-quraşdırma işlərinə 1 milyard 114 milyon 985 min manat vəsait yönəldilib.
Qeyd edək ki, hesabat dövründə ən çox vəsait Laçın ( 123 mln. 784 min manat), Zəngilan (107.7 mln. manat) və Ağdam (105.8 mln. manat) rayonlarına ayrılıb.
Xatırladaq ki, hesabat dövründə Azərbaycanda əsas kapitala 3 milyard 467.7 milyon manat vəsait yönəldilib ki, bununda 2 milyard 693.5 milyon manatı tikinti-quraşdırma işlərinə sərf edilib. Beləliklə hesabat dövründə işğaldan azad olunmuş ərazilər üzrə tikinti-quraşdırma işlərinə sərf olunan vəsait respublika üzrə yenidənqurma işlərinə sərf olunan vəsaitin 26.5%-ni təşkil edib.
Aşağıdakı cədvəldə cari ilin I rübü və ötən ilin müvafiq dövründə azad edilmiş ərazilərdə rayonlar üzrə tikinti-quraşdırma işlərinə yönəldilən vəsaitin həcmi verilib:
