Avropa Komissiyasının sədri Ursula fon der Leyen bildirib ki, Ukraynanın Avropa İttifaqına daxil olması Kiyev üçün təhlükəsizliyə güclü təminat və sülhün bərqərar olması istiqamətində atılmış addım olacaq.
Onun sözlərini “European Pravda” nəşri sitat gətirir.

"Biz Ukraynanın Birliyimizə üzvlük yolunu sürətləndirməliyik. Bu, təkcə Ukraynanın istəyi deyil, həm də təhlükəsizliyin ən güclü təminatı ola bilər", - deyə fon der Leyen bildirib.
O, Ukraynadakı münaqişənin gec-tez bitəcəyini, lakin onun nəticələrinin Avropa qitəsinin gələcək bir neçə nəsil üçün gələcəyini formalaşdıracağını vurğulayıb. Fevral ayında Avropa Komissiyasının rəhbəri Ursula fon der Leyen Ukraynanın 2030-cu ilə qədər Avropa İttifaqına üzv olmasına icazə verdi. AK rəhbəri Litva Prezidenti Gitanas Nausedanın müvafiq ideyasını “çox nəcib təşəbbüs” hesab etdi, çünki bu, böyük siyasi iradə və heyrətamiz dəstək nümayiş etdirir.

Bununla yanaşı, fon der Leyen vurğulayıb ki, Aİ-yə üzvlük prosesində həmişə nailiyyətlər və ləyaqətlər nəzərə alınır.

aia.az
Tərcümə şöbəsi

• Təhlükəsizlik
• Kiyev
• Üzvlük
• Ursula Von Der Leyen
• Ai̇