Vatikanda Papanın hakimiyyətinin iki simvolunun - qurğuşun möhürü və Balıqçı Üzüyü adlanan möhürün ləğvi mərasimi keçirilib.
Bu barədə Müqəddəs Taxt-Tacın rəsmi saytında məlumat verilib .
"Konklavdan əvvəl keçirilən bu sonuncu ümumi yığıncaq zamanı kanonik normalara uyğun olaraq Balıqçı Üzüyü və Papa Fransiskinin möhürü məhv edilib", - nəşr yazır.
Ənənəvi olaraq, pontifik apostol məktublarını imzalayarkən möhür və üzükdən istifadə edir. Mərasimin Roma Katolik Kilsəsinin yeni rəhbərinin seçilməsi prosedurunun başlanmasından əvvəl olduğu vurğulanır.
