Güclü yağış Bakı-Şamaxı yolunda çətinlik yaradıb. Sel həmçinin Qobustan rayonunun Ərəbqədim kəndinə ziyan vurub.
Xezerxeber.az-ın xəbərinə görə, dağlardan axan sel suları kənd ərazisində yerləşən körpünü qəzalı vəziyyətə salıb.
Sel nəticəsində kəndə gediş-gəliş bir müddət məhdudlaşıb. Sakinlərin sözlərinə görə, sel təkcə körpüyə deyil, həm də kənd sakinlərinə məxsus mal-qaraya ziyan vurub. Hazırda kəndə gediş-gəlişdə problem yaşanmasa da, yaşayış məntəqəsinin girişində yerləşən körpü hələ də qəzalı vəziyyətdədir.
