Dünyada hər il milyonlarla insan ürək-damar xəstəliklərindən həyatını itirir. Mütəxəssislər ürək sağlamlığının qorunmasında sağlam həyat tərzinin vacibliyini vurğulayırlar. Çünki bu xəstəliklərin əksəriyyəti həyat tərzi ilə birbaşa əlaqəlidir.
Manset.az-ın məlumatına görə, ürək sağlamlığı üçün əsas tövsiyələr bunlardır:
Balanslı qidalanma: Tərəvəz, meyvə, təbii yağlar və balıq məhsulları qəbul edin. Şəkər, duzdan uzaq durun.
Müntəzəm fiziki aktivlik: Həftədə ən azı 150 dəqiqə orta səviyyəli məşq ürək əzələsini gücləndirir.
Siqaret və alkoqoldan uzaq durun: Siqaret damarları daraldır, spirt isə ürək ritmini poza bilər.
Stressin idarə olunması: Stress qan təzyiqini artırır, meditasiya və nəfəs məşqləri faydalıdır.
Yuxu rejiminə diqqət: Yuxusuzluq ürək-damar problemlərini artırır.
Mütəmadi tibbi nəzarət: Qan təzyiqi, şəkər və xolesterin səviyyəsinin izlənməsi erkən diaqnoz üçün vacibdir.
Ürək tutması əlamətləri isə müxtəlif ola bilər. Ən çox rast gəlinən simptomlar:
Sinədə ağrı və narahatlıq
Sol qola, boyuna, çiyinə və ya çənəyə yayılan ağrı
Nəfəsalmada çətinlik
Soyuq tər
Bulantı və başgicəllənmə
