Tanınmış rumıniyalı mütəxəssis Mirça Rednik Azərbaycana qayıda bilər.
Publika.az xəbər verir ki, "Xəzər Lənkəran"ın sabiq baş məşqçisi, hazırda “UTA Arad”da çalışan Rednik "Prosport.ro"-ya açıqlamasında Premyer Liqa təmsilçisi "Kəpəz"lə danışıqlar apardığını bildirib:
"Azərbaycanlılar maliyyə baxımından məni razı saldılar. Amma biz hələ mövsümün sonunu gözləyirik".
Qeyd edək ki, 63 yaşlı mütəxəssis 2010-2011-ci illərdə “Xəzər Lənkəran"a rəhbərlik edib. Onun dövründə cənub təmsilçisi Azərbaycan çempionatının gümüş medalını qazanıb və ölkə kubokunun qalibi olub.
