Argentina millisinin sabiq futbolçusu Luis Qalvan vəfat edib.
"Report" xəbər verir ki, bu barədə Argentina Futbol Assosiasiyasının mətbuat xidməti məlumat yayıb.
Keçmiş yarımmüdafiəçi 78 yaşında həyatını itirib.
O, böyrək infeksiyası səbəbindən xəstəxanada vəfat edib.
Qeyd edək ki, Luis Qalvan 1978-ci ildə Argentina yığmasının heyətində dünya çempionatının qalibi olub. O, Dieqo Maradona ilə birgə çıxış etdiyi millidə 34 oyun keçirib.
