Xalqcebhesi portalından verilən məlumata görə, ain.az xəbər yayır.
BMT-nin baş katibi Quterreş İsrailin Qəzzaya hücumlarını genişləndirmək planının daha çox ölüm və dağıntılara səbəb olacağı barədə xəbərdarlıq edib.
Xalqcebhesi.az xəbər verir ki, BMT mətbuat katibinin müavini Fərhan Haq gündəlik mətbuat brifinqində məsələ ilə bağlı jurnalistlərin suallarını cavablandırıb.
Bu cür addımların qaçılmaz olaraq daha çox mülki insan tələfatına və Qəzzada daha çox dağıntılara səbəb olacağı ilə bağlı xəbərdarlıq edən Haq deyib: “Baş katib bu kritik zamanda prioritetin mülki əhalinin daha çox ölüm və məhv edilməsi deyil, zorakılığa dərhal son qoyulması olduğuna inanır”.
Baş katibin Qəzzənin gələcək Fələstin dövlətinin ayrılmaz hissəsi olduğunu və belə qalmalı olduğunu bir daha təkrar etdiyini deyən Haq, "Baş katib İsrailin Qəzzaya hücumlarını genişləndirmək planını həyəcan verici hesab edir" dedi.
Quterreşin Qəzzada dərhal və daimi atəşkəs çağırışını davam etdirdiyini vurğulayan Haq, həmçinin bütün məhbusların gecikmədən və qeyd-şərtsiz azad edilməsini müdafiə etdiyini xatırladıb.
Məryəm
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
