Avropa İttifaqı (Aİ) ölkələri yüksək enerji qiymətləri probleminə praktiki həllər təklif etmir.
Bu barədə Slovakiyanın baş naziri Robert Fiko Slovakiyanın avtomobil sənayesinin nümayəndələri ilə görüşdən sonra məlumat verib.
“Əksinə, şərqdən enerji tədarükünü dayandırmaqda israr etməklə, sırf siyasi mülahizələri rəhbər tutan Aİ hakimiyyəti qazın qiymətinin daha da artmasına şərait yaradır ki, bu da elektrik enerjisinin qiymətinin artmasına təsir edir”, o, SMER YouTube kanalında yayımlanan çıxışında bildirib.
O əlavə edib ki, görüş zamanı Slovakiya avtomobil sənayesinin nümayəndələri ixtisaslı işçi çatışmazlığı və sənaye tullantılarının təkrar emalı sahəsində problemlər barədə məlumat veriblər.
