Qarşıdan gələn konklavda səs vermək hüququna malik olan 133 kardinal Roma şəhərinə toplaşıb.
Publika.az xəbər verir ki, bu barədə Vatikanın mətbuat xidməti bəyanat yayıb.
Məlumata görə, onlar konklava hazırlıq prosesində görüşlər keçirəcək, kilsə ilə bağlı müxtəlif mövzulara dair müzakirələr aparacaqlar.
Qeyd edək ki, yeni papanın seçilməsi məqsədilə toplanan kardinallar yığıncağı mayın 7-də başlayacaq. Seçkilər, gündə iki dəfə qapalı səsvermə yolu ilə keçirilir. Papa olmaq üçün səs çoxluğunun üçdə ikisini toplamaq lazımdır.
