ABŞ-ın sabiq prezidenti məşhur həbsxananın “qanun və ədalət simvolu” kimi geri qayıtmasını planlaşdırır
ABŞ-ın keçmiş prezidenti Donald Tramp yeni bəyanatı ilə gündəmə gəlib. O, San-Fransisko körfəzində yerləşən və bir zamanlar ölkənin ən təhlükəli cinayətkarlarını saxlayan məşhur “Alkatras” həbsxanasının yenidən açılacağını bildirib.
Moderator.az xəbər verir ki, Tramp bu planı “qanun, nizam və ədalətin bərpası” məqsədi ilə həyata keçirmək istədiyini deyib:
“Alkatras qanun, nizam və ədalətin simvoluna çevriləcək”, – deyə o, “Truth Social” platformasında qeyd edib.
Alkatras yenidən ən təhlükəli cinayətkarlar üçün mərkəz olacaq
Trampın sözlərinə görə, 62 ildir bağlanmış bu həbsxana genişləndiriləcək və ölkənin ən təhlükəli cinayətkarları burada saxlanılacaq. ABŞ-ın hüquq-mühafizə orqanları üçün strateji əhəmiyyət daşıyan bu obyektin yenidən fəaliyyətə başlaması ilə bağlı ictimai və siyasi müzakirələrin də başlaması gözlənilir.
Tarixi məkan, tarixi dönüş
Xatırladaq ki, “Alkatras” həbsxanası XX əsrin əvvəlində hərbi həbsxana kimi fəaliyyətə başlamış, 1930-cu illərdə isə ABŞ Ədliyyə Nazirliyinin tabeliyinə verilərək mülki cəzaçəkmə müəssisəsinə çevrilmişdi. Burada məşhur cinayətkar Al Kapone də daxil olmaqla, onlarla təhlükəli məhkum saxlanılıb.
Həbsxana 1963-cü ildə yüksək saxlanma xərcləri səbəbindən bağlanmış və sonrakı illərdə turistik məkana çevrilmişdi. Trampın planı gerçəkləşərsə, bu tarixi məkan uzun fasilədən sonra yenidən fəaliyyətə başlayacaq.
