Babək rayonunda baş verən qəzada ana və oğlu xəsarət alıb.
APA-nın Naxçıvan bürosu xəbər verir ki, hadisə rayonun Yarımca kəndi ərazisində baş verib.
"Renault" markalı avtomobil yoldan çıxaraq aşıb. Qəza zamanı avtomobildə olan Babək rayonu Yarımca kənd sakinləri - 1979-cu il təvəllüdlü Məmmədova Gülnarə Məmmədəli qızı və onun oğlu, 1999-cu il təvəllüdlü Məmmədov Yaşar Abbas oğlu xəsarət alıblar.
Onlar Naxçıvan Muxtar Respublika Xəstəxanasına yerləşdiriliblər.
Hadisə yerinə polis əməkdaşları cəlb olunub, faktla bağlı araşdırma aparılır.
