İsrail hökuməti Qəzzanın işğalını dəstəkləyib

AzVision.az İsrailin “Ynet” nəşrinə istinadən xəbər verir ki, bundan əlavə, Milli Təhlükəsizlik naziri Ben-Qvirin etirazına baxmayaraq, beynəlxalq fond tərəfindən Qəzza zolağında gələcək humanitar yardımın paylanması planı da təsdiqlənib.

Xatırladaq ki, ötən ay İsrail təhlükəsiz zonalar yaratmaq üçün Qəzzanın geniş ərazilərinin ələ keçirilməsi də daxil olmaqla, hərbi əməliyyatların genişləndirdiyini açıqlyıb. İsrailin Müdafiə naziri İsrael Kats qoşunların bu əraziləri yaraqlılardan və infrastrukturdan təmizləyəcəyini və onları bufer zonalarına əlavə ediləcəyini bildirib. Bu əməliyyat xüsusilə Rəfah və Xan Yunis bölgələrində təxliyyə əmrləri ilə müşayiət olunub.

İsrail HƏMAS-ın 5 illik atəşkəs təklifini rədd edib

Beynəlxalq ictimaiyyət, o cümlədən BMT dərhal atəşkəsə, humanitar yardımın bərpasınavə uzunmüddətli atəşkəslə bağlı danışıqlara çağırıb. Misir, Qətər və ABŞ-nin vasitəçiliyi ilə danışıqlar davam edir, lakin uzunmüddətli razılıq əldə olunmayıb.

İsrail HƏMAS-dan gələn təhlükəni neytrallaşdırmaq və bütün girovları azad etmək zərurətində israrlıdır.Fələstin nümayəndələri isə blokadanın götürülməsini və hərbi əməliyyatların dayandırılmasını tələb edirlər.

Bir həftə əvvəl isə, İsrail HƏMAS tərəfindən saxlanılan girovların azad edilməsi müqabilində Qəzza zolağında 5 illik atəşkəs təklifini rədd edib.

Sahil İsgəndərov
AzVision.az