Bu gün “Real Madrid” doğma meydanda “Selta”ya 3:2 hesabı ilə qalib gəlib. Həmin qarşılaşmada türk futbolçu Arda Gülər bir qol vurub və bir məhsuldar ötürmə ilə yadda qalıb.
90deqiqe.Az xəbər verir ki, matçdan sonra “qaymaqlılar”ın baş məşqçisi Karlo Ançelotti gənc futbolçunun inkişafı barədə fikirlərini bölüşüb:
"Gülərin bu irəliləyişi – “Real”da oynamaq istəyən, keyfiyyətli, əzmkar və inamını heç vaxt itirməyən futbolçu üçün təbii bir prosesdir. Sentyabrdakı Gülərlə indiki Gülər arasında ciddi fərq var. Fiziki baxımdan çox dəyişib, güclənib. Keyfiyyəti isə hər zaman olduğu kimi yüksək səviyyədədir. Daha sakitdir və qərarlarında daha dəqiq davranır."
"Real Madrid"in növbəti oyunu mayın 11-i bazar günü səfərdə "Barselona" ilə olacaq.
