“Kiyevin ölkələr arasında münaqişənin həlli yollarını axtarmağa nə dərəcədə hazır olduğunu yoxlamaq üçün Moskva birtərəfli qaydada Pasxa və mayın 9-da müvəqqəti atəşkəs elan edib”.
Yeniavaz.com xəbər verir ki, bu barədə Rusiya prezidentinin mətbuat katibi Dmitri Peskov bildirib.
“Rusiyanın təklif etdiyi Pasxa atəşkəsi, eləcə də 8, 9 və 10 mayda atəşkəs elan etmək üçün hazırkı təşəbbüsün məqsədi Kiyevin Rusiya və Ukrayna arasında uzunmüddətli davamlı sülhə nail olmaq yollarını tapmaq üçün hazırlığını yoxlamaqdır. Rusiyanın atəşkəs rejiminin tətbiqi təşəbbüsünə Ukrayna hakimiyyətinin reaksiyası Ukraynanın sülhə hazırlığının sınağıdır. Biz, əlbəttə ki, birmənalı deyil, yekun bəyanatları, ən əsası isə bayram günlərində münaqişənin gərginləşməsini azaltmağa yönəlmiş addımları gözləyəcəyik”, - Peskov bildirib.
