Qahirə, 3 may, AZƏRTAC
Küveyt ordusunun Baş Qərargahı qadınların hərbi xidmətə könüllü olaraq qoşulmaları üçün qeydiyyat prosesini mayın 4-də açıq elan edir.
AZƏRTAC “Əl-Cəridə” qəzetinə istinadla xəbər verir ki, bu məqsədlə Müdafiə Nazirliyinin rəsmi saytında xüsusi link yerləşdirilib.
Qeydiyyat prosesi üç gün davam edəcək.
Könüllü hərbi xidmət proqramı orta məktəb şəhadətnaməsi olanlara şamil edilir. 3 ay davam edəcək proqramı uğurla başa vuranlara münasib rütbələr veriləcək. Təlimlər yalnız səhər saatlarında keçiriləcək və iştirakçılar hərbi düşərgələrdə gecələməyəcəklər.
Şıxəli Əliyev
AZƏRTAC-ın xüsusi müxbiri
Qahirə
