Tengrinews.kz xəbər verir ki, Astanada mayın 7-də “Qazax eli” abidəsinin yaxınlığındakı Müstəqillik meydanında keçiriləcək hərbi parad canlı yayımlanacaq. Müdafiə Nazirliyinin mətbuat xidmətindən verilən məlumata görə, Böyük Vətən Müharibəsində Qələbənin 80 illiyinə və Vətən Müdafiəçisi Gününə həsr olunmuş hərbi parad 2025-ci ilin əsas tədbirlərindən birinə çevriləcək.
Mərasimdə 4000-dən çox hərbi qulluqçu, 200-dən çox hərbi texnika, o cümlədən cəbhə, ordu və hərbi nəqliyyat aviasiyasının 66 təyyarə və helikopteri iştirak edəcək. Müdafiə Nazirliyindən verilən məlumata görə, hərbi parad saat 11:00-da Müstəqillik meydanında “Qazax eli” abidəsinin yanından başlayacaq.
Surxay Əliyev
