Roma, 3 may, AZƏRTAC
İtaliyanın Boloniya regionunda 3,8 bal gücündə zəlzələ qeydə alınıb.
AZƏRTAC xəbər verir ki, bu barədə İtaliyanın Geofizika və Vulkanologiya İnstitutu (INGV) məlumat yayıb. Episentri Alto Reno Terme bölgəsi olan zəlzələnin ocağı 55 kilometr dərinlikdə yerləşib. Zəlzələ Kastel di Kasio, Sambuka Pistoiese və Kamugnano bələdiyyələrində də hiss olunub.
Dağıntı və insan tələfatı barədə məlumat verilməyib.
Nihad Budaqov
AZƏRTAC-ın xüsusi müxbiri
Roma
