"Mançester Siti"nin yarımmüdafiəçisi Kevin De Brüyne gələcəyi haqda danışıb.
QOL.az xəbər verir ki, o, karyerasını harada davam etdirəcəyini hələ də bilmədiyini etiraf edib:
"Təəssüf ki, bilmirəm. "Düşünürəm ki, oynamağa davam edə biləcəyimi sübut etməliyəm. Əks-halda son bir ayda göstərdiyim hər şeyi etməzdim".
33 yaşlı belçikalı bu yay klubu tərk etmək qərarına gəlib. Kevinin hazırkı müqaviləsi iyunun 30-a qədərdir və bundan sonra o, azad agent olacaq.
De Brüyne 36 oyuna çıxıb, 6 qol vurub və 8 məhsuldar ötürmə verib.
