"Arsenal"ın baş məşqçisi Mikel Arteta "Real Madrid"in istədiyi mərkəz müdafiəçisi Vilyam Salibanın gələcək aqibətinin necə olacağı ilə bağlı sualı cavablandırıb.
Fanat.Az xəbər verir ki, o, mətbuat konfransında belə danışıb:
"Əminəm ki, o, "Arsenal"da xoşbəxtdir. Vilyamla bu mövzuda söhbətimiz olub. O, bizimlə davam etmək istəyir. Tam şəkildə əminəm ki, Saliba olmaq istədiyi yerdədir".
Qeyd edək ki, sözügedən futbolçu 2019-cu ilin yayından "Arsenal"ın uğurları üçün çalışır. Salibanın "topçular"la müqaviləsinin müddəti 2027-ci ilin yayına qədər nəzərdə tutulub. "Real"ın onu 100 milyon avroya almaq istədiyi barədə məlumatlar yayılıb.
Nihat
