"Liverpul"un sabiq yarımmüdafiəçisi, hazırda Çempionşip təmsilçisi "Suonsi"nin formasını geyinən Co Allen cari mövsümün sonunda karyerasını bitirəcəyini bəyan edib.
Fanat.Az-ın məlumatına görə, 35 yaşlı futbolçunun sözlərini "qular"ın rəsmi saytı belə çatdırıb:
"Bu, çox çətin qərardır. Qərarı verməmişdən öncə uzun müddət düşündüm. Artıq 35 yaşım var. Zədələr zamanı yenidən forma yığmaq üçün nələrdən keçdiyimi yaxşı bilirəm. Düşünürəm ki, karyeramı bitirmək, başladığım yerdə - "Suonsi"də yaşıl meydanlarla vidalaşmaq üçün uyğun zaman yetişib. Futbol həyatımla qürur duyuram".
Qeyd edək ki, Uels millisinin də üzvü olan yığma forması ilə 77 matça çıxaraq 2 qol və 4 məhsuldar ötürmə ilə yadda qalıb. O, klub səviyyəsində ümumilikdə 585 görüşdə iştirak edərək 39 qol və 36 assistlə diqqət mərkəzinə düşüb.
Nihat
