Avropa aprel ayında mayeləşdirilmiş təbii qaz (LNG) idxalı üzrə bütün zamanların rekordunu qırıb.
HİT.az bu barədə “Gas Infrastructure Europe”a (GIE) istinadən xəbər verir.
Təşkilatın məlumatına görə, aprel ayında Avropa terminallarından Aİ-nin qaz nəqli sisteminə LNG axını təqribən 12,8 milyard kubmetr təşkil edib. Bu mart göstəricilərini 1% üstələyir. Bundan əlavə, builki nəticə 2024-cü ilin aprel ayının göstəricilərindən 20% yüksəkdir.
Bu göstərici cari ilin martında qeydə alınan əvvəlki rekordu (12,7 milyard kubmetr) üstələyərək bütün müşahidələr dövründə ən yüksək göstərici olub.
Aprelin ortalarında ABŞ-ın 2025-ci ilin birinci rübündə Avropaya mayeləşdirilmiş təbii qaz tədarükünün həcminə görə Rusiyanı ötdüyü bildirilmişdi — 10 milyard kubmetrə qarşı 18 milyard kubmetr. Bu yanacağın Rusiyadan idxalı cəmi 8 milyon ton təşkil edib ki, bu da 2021-ci ildən bəri ən aşağı göstəricidir.
Samir
