“Azərbaycan Sənaye Korporasiyası”na məxsus “Azərizolit” MMC-yə aid iki nəqliyyat vasitəsi 18 iyun tarixində hərraca çıxarılacaq.
Valyuta.az xəbər verir ki, satışa çıxarılan avtomobillər 2006-cı il istehsalıdır.
"Toyota Land Cruiser" markalı minik avtomobili 16 min 725 manat, "Kia Sportage" markalı minik avtomobili isə 7 min 950 manat ilkin qiymətlə satışa çıxarılacaq.
Bundan başqa, Ekologiya və Təbii Sərvətlər Nazirliyinin Nəqliyyat İdarəsinə məxsus 2002-ci il buraxılışlı "UAZ 31519" minik - 900 manat, 1984-cü il buraxılışlı "Təkərli traktor MTZ 80" - 2 min 325 manat, 2007-ci il buraxılışlı "QAZ 3302-18" yük - 3 min 975 manatla satışa çıxarılacaq.
Qeyd edək ki, bu nəqliyyat vasitələri artıq 4-cü dəfə 25% endirimlə təkrar satışa çıxarılır.
Eyni zamanda Xarici İşlər Nazirliyinə məxsus iki ədəd 2012-ci il buraxılışlı "BMW 528I" markalı minik avtomobilləri 9 min 450 manat və 12 min 250 manat ilkin start qiymətilə satışa çıxarılır.
Bu nəqliyyat vasitələri isə 5-ci dəfə 50% endirimlə təkrar hərraca çıxarılır.
Hərraca çıxarılan nəqliyyat vasitlərinin tam siyahısı ilə linkə keçid edərək tanış ola bilərsiniz:
Maya Hüseynova
