"Mançester Siti"nin baş məşqçisi Xosep Qvardiola "İnter"in çalışdırıcısı Simone İnzaqi haqqında fikirlərini bölüşüb.
90deqiqe.Az xəbər verir ki, "Football Italia" ispan mütəxəssisin dediklərini belə çatdırıb.
“‘İnter’in uğuru, 2023-cü ildə Çempionlar Liqasının finalında necə güclü rəqibə qalib gəldiyimizi göstərir. Bu komanda müdafiədə, keçid mərhələlərində, fiziki baxımdan çox güclü və yüksək səviyyədə təşkilatlanmışdır. İnzaqi inanılmaz məşqçidir”
Qeyd edək ki, ötən gün "neradzurri" Çempionlar Liqasının yarımfinal mərhələsinin ilk oyununda "Barselona" ilə 3:3 hesablı heç-heçə edib.
"İnter" - "Barselona" cavab oyunu mayın 6-da "San Siro"da keçiriləcək. Matçın qalibi finalda PSJ və ya "Arsenal" ilə oynayacaq.
