Google Android platformasında təhlükəsizliyi artırmaq üçün yeni bir addım atdı; Bu addım xüsusilə bank, maliyyə və korporativ proqramlar kimi yüksək təhlükəsizlik tələb edən proqramlara təsir göstərir.
News24.az xəbər verir ki, yeni tələblərə əsasən, müəyyən təhlükəsizlik standartlarına cavab vermək üçün Android 13 və ya daha yüksək versiya ilə işləyən qurğular son bir il ərzində təhlükəsizlik yeniləməsi almalıdır.
Bu o deməkdir ki, Android 12 və daha köhnə versiyalarla işləyən cihazlar, xüsusən də həssas əməliyyatlar (pul köçürmələri kimi) tələb edən tətbiqlərdə təhlükəsizlik zəifliyinə daha çox meylli ola bilər.
Aktiv Android cihazlarının yarıdan çoxunun hələ Android 13-ə yenilənmədiyini nəzərə alsaq, həssas olan bir çox telefon var.
Xüsusilə, Android 12 və ya Android 12L (böyük ekranlı və qatlana bilən qurğular üçün xüsusi versiya) əməliyyat sistemləri ilə işləyən telefonlara sahib olan təxminən 200 milyon istifadəçi var ki, onların ömrünün sonuna çatıb.
Cihazınız hazırda Android 12, Android 12L və ya daha köhnə versiya ilə işləyirsə, edə biləcəyiniz ən təhlükəsiz şeylərdən biri əməliyyat sistemini, mümkünsə, Android 13 və ya daha yeni versiyaya yeniləməkdir.
Səma
