Həvəskar pilot şəhadətnaməsi almaq üçün ərizəçi, əvvəlcə təsdiq edilmiş təlim təşkilatında təlim kursunu bitirməlidir.
Heftelik.az-ın məlumatına görə, bu, “Aviasiya personalına şəhadətnamələrin, vəsiqələrin və ya sertifikatların verilməsi və digər dövlətdə verilmiş analoji sənədlərin tanınması Qaydaları”nda əksini tapıb.
Təlim kursu həm nəzəri bilikləri, həm də praktiki uçuş təlimatını əhatə etməlidir. Təlimin sonunda, ərizəçi nəzəri bilik imtahanını Agentlikdə verməlidir. Bu imtahan, uçuş təhlükəsizliyi və əməliyyatları ilə əlaqəli əsas bilikləri ölçür. Ərizəçinin həmçinin praktiki bacarıq testindən keçməsi tələb olunur. Test, ərizəçinin hava gəmisinin komanda verən pilotu kimi bütün uçuş mərhələlərini yerinə yetirməsini yoxlayır. Əgər ərizəçi testin bir bölməsindən uğursuz olarsa, yalnız həmin bölməni təkrar etməlidir. Bir neçə bölmədə uğursuz nəticə əldə edənlər, bütün testi təkrar etməli və təlimə əlavə cəlb edilə bilər. Praktiki bacarıq testi, uçuş zamanı tətbiq olunan real əməliyyatları əks etdirir və tələb olunan bacarıqları ölçür.
