BFMTV: Fransada çörək zavodları mayın 1-də iş qadağası səbəbindən bağlanıb.
Əmək Günündə işə qadağa qoyulması ilə əlaqədar Fransada çörəkbişirmə müəssisələrinin əksəriyyəti bağlanıb ki, bu da əhalinin və turizm sənayesinin narazılığına səbəb olub. Bu barədə BFMTV məlumat yayıb.
Çörəkçilərin və Şirniyyatçıların Milli Konfederasiyasının prezidenti Dominik Anrakt 12 milyona yaxın insanın, o cümlədən turistlərin təzə şirniyyatlardan məhrum olmasından narahatlığını ifadə edib. O, bu vəziyyəti anormal adlandırıb.
"Biz mətbuat və digər peşələr kimi lazımlı olduğumuzu düşünürdük" dedi Anrakt.
Fransanın əmək qanunvericiliyinə görə, mayın 1-i bütün işçilər üçün məcburi istirahət günüdür və işəgötürənlər bu qanunu pozduqları üçün xeyli miqdarda cərimə gözləyir.
Bu gün Fransanın ən böyük həmkarlar ittifaqı olan “Ümumi Əmək Konfederasiyası”nın (CGT) baş katibi Sofi Binet məlumat verib ki, Fransanın hər yerində 1 May bayramına həsr olunmuş aksiyalarda 300 minə yaxın insan iştirak edib.
