Dünyanın ən yaşlı sakini, Braziliyalı rahibə Ina Kanabarru Lukas 116 yaşında vəfat edib.
Ölkə.az bu barədə "Frans Press" agentliyinə istinadla xəbər verir.
Bildirilib ki, qadın 1908-ci il iyunun 8-də ölkənin cənubundakı San-Françesku-di-Assizi şəhərində anadan olub.
O, 2024-cü ilin dekabrında 116 yaşında vəfat edən yaponiyalı Tomiko İtookidən sonra Yer kürəsinin ən yaşlı sakini hesab olunmağa başlanmışdı.
ABŞ-nin Gerontologiya Araşdırmaları Qrupunun (GRG) məlumatına görə, Lukasın ölümündən sonra dünyanın ən yaşlı qadını İngiltərənin Surrey qraflığında yaşayan Etel Katerhem olub. Hazırda onun 115 yaşı var.
Həmidə İbrahimova
