BAKI, 1 may. TELEQRAF
Beynəlxalq ikili siyasətə son qoymalıdır və bu vandallığı törədənlər ədalət məhkəməsinə çıxarılıb layiq olduqları cəzanı almalıdırlar.
Teleqraf xəbər verir ki, bunu Qarabağ müharibə iştirakçısı, Jurnalist Rey Kərimoğlu jurnalistlərə açıqlamasında deyib.
O qeyd edib ki, bu hallar birmənalı şəkildə müharibə cinayətdir və insanlığa sığmayan haldır:
"Təəssüf ki, ermənilərin törətdiyi daha bir cinayət faktının aşkar edildiyi yerdəyik. Xocalı rayonun komitə sədrinin də bildirdiyi kimi burada ilkin olaraq ən azı yeddi nəfərə aid insan qalıqları aşkar edilib. Həmin insan qalıqları qeyri-ənənəvi şəkildə dəfn olunublar. Bundan başqa, mülki şəxslərə aid qalıqlar üzərində ağır işgəncə izləri də aşkarlanıb".
