Səhiyyə mənbələrindən alınan məlumata görə, İsrailin Qəzzanın şimalındakı Beyt Lahiya şəhərinə təşkil etdiyi hücumda 3 fələstinli həyatını itirib, digərləri isə yaralanıb.
Qəzza zolağının ortasındakı Deyr əl-Bələh şəhərində evə hücum nəticəsində bir fələstinli ölüb, bir neçə nəfər yaralanıb.
Qəzzanın cənubundakı Rəfah şəhərinin əl-Məvasi bölgəsinə İsrailin pilotsuz uçuş aparatının hücumu nəticəsində üç fələstinli fermer həlak olub, bir neçəsi isə yaralanıb.
Qəzza zolağının cənubundakı Xan Yunis şəhərində İsrailin hücumları nəticəsində yaralanan bir qız da ölüb.
Qeyd edək ki, İsrailin 2023-cü il oktyabrın 7-dən bu yana Qəzza zolağına etdiyi hücumlarda ən azı 52.365 fələstinli həyatını itirib, 117.905 nəfər isə yaralanıb.
