"Miluoki Baks"ın lideri və forvardı Yannis Adetokunbo klub rəhbərliyi ilə görüşəcək.
İdman.biz xəbər verir ki, yunan basketbolçu görüşdə komadadakı gələcəyini müzakirə edəcək.
Onun çıxış etdiyi komanda NBA-nın pley-off seriyasının ilk mərhələsində mübarizəni dayandırıb. "Miluoki Baks" "İndiana Peysers"ə 1:4 hesabı ilə uduzub. Son illərdəki uğursuz çıxışdan sonra Yannisin komandanı tərk etməsi gündəmə gəlib.
Qeyd edək ki, Adetokunbonun növbəti mövsümə "Los-Anceles Leykers"də start verməsi xəbərləri yayılıb.
İdman.biz
