Bu hadisədən sonra Hindistan:
Pakistanlı hərbi attaşeləri ölkədən çıxarıb,
Hind çayı hövzəsində 60 ildən çox davam edən su razılaşmasını dayandırıb,
Əsas quru keçid məntəqəsini (Attari) bağlayıb.
İndi isə Dehli Pakistan təyyarələri və gəmiləri üçün hava və dəniz məkanını tamamilə bağlamağı planlaşdırır. Əgər bu baş verərsə, Pakistanın milli aviaşirkəti PIA üçün Hind okeanı və Cənub-Şərqi Asiyaya uçuşlar böyük iqtisadi zərbəyə çevriləcək. Onsuz da maliyyə böhranı yaşayan şirkət, bu blokada ilə iflasa daha da yaxınlaşa bilər.
Pakistan da cavab tədbirləri görüb - Hindistanla bütün ikitərəfli razılaşmaları dayandırıb və öz hava məkanını bağlayıb. Lakin ekspertlərin fikrincə, hərbi və iqtisadi imkanların qeyri-bərabərliyi səbəbindən İslamabad Hindistana adekvat cavab verə bilmir.
Bu eskalasiya regionda təhlükənin artmasına və iqtisadi böhranın dərinləşməsinə səbəb ola bilər.
