“İdman zalında, duş və ya hovuzdan sonra qulaqcıqlarından istifadə qulaqların iltihabına səbəb ola bilər”.
Editor.az xəbər verir ki, bunu otolarinqoloq Svetlana Nojnitskaya deyib.
“Dünyada aparılan araşdırmalar göstərir ki, qulaqlıqdan istifadə qulaq kanalında bakteriyaların sayını 11 dəfə artırır. Hər kəsin qulağında bakteriya olur və əksər hallarda onlar heç bir sağlamlıq problemi yaratmır. Lakin bakteriyaların sayı artarsa və ya qulağa yeni bakteriya daxil olarsa, məsələn, dostunuza birlikdə musiqi dinləmək üçün qulaqcıq verdikdə, bu, qulaqda infeksiyaların yaranmasına səbəb ola bilər”, – həkim açıqlayıb.
Xarici qulaq kanalının dərisi nazik quruluşa malik olduğundan qulaqdaxili qulaqcıqların uzun müddət və ya tez-tez istifadəsi dərinin bütövlüyünün zamanla pozulmasına və xarici qulaq kanalının iltihabına səbəb ola bilər.
“Qulaqcıqlar istilik və rütubəti udduqda daha da pis şeylər baş verə bilər ki, bu da onları qulağın içindəki “istixana” effektinə görə hər növ bakteriyanın böyüməsi üçün ideal hala gətirir. Əgər qulaqcıqlarınızı idman zalında və ya üzgüçülükdən dərhal sonra taxırsınızsa, qulaq infeksiyası riskinizi artıra bilərsiniz. Qulaqcıqlarınızı tez-tez istifadə edirsinizsə, onları həftədə bir dəfə spirtlə təmizləyib dezinfeksiya etməyinizə əmin olun. Proses zamanı qulaq kiri çıxarılır”, – həkim əlavə edib.
//Gülnarə Abasova, Editor.az
