BAKI, 29 aprel, TELEQRAF
Rusiyanın Kursk vilayətinin Qornal kəndinin azad edilməsi zamanı müxtəlif ölkələrdən olan muzdlularla üz-üzə gəldik.
Teleqraf xəbər verir ki, bu barədə Rusiya mətbuatına 22-ci motoatıcı alayın adı açıqlanmayan komandiri bildirib.
"Biz polyaklarla rastlaşdıq. Onları və ABŞ-dən olan muzdlu əsgərləri əsir götürdük. Həmçinin Türkiyədən gələn muzdlularla da qarşılaşdıq", -deyə rus komandir bildirib.
Aprelin 26-da Rusiya Silahlı Qüvvələrinin Baş Qərargah rəisi Valeri Gerasimov Rusiya Prezidenti Vladimir Putinə Kursk vilayətinin Ukrayna Silahlı Qüvvələrindən azad edilməsi üzrə əməliyyatın başa çatması barədə hesabat verib .
