Ukrayna Silahlı Qüvvələrinin Hərbi Hava Qüvvələri Rusiyanın səhər saatlarında hücum pilotsuz təyyarələri ilə hücumunun dəf edilməsi zamanı Su-27 qırıcısını itirib.
Bu barədə Ukrayna Hərbi Hava Qüvvələri Komandanlığının Rabitə İdarəsi Facebook sosial şəbəkəsində məlumat yayıb. “2025-ci il aprelin 28-də səhər saatlarında qoşunlara hava dəstəyinin təmin edilməsi və düşmənin PUA-larının hava hücumunun dəf edilməsi üzrə kompleks döyüş tapşırığını yerinə yetirərkən Hərbi Hava Qüvvələrinə məxsus Su-27 qırıcısı itirilib.
Bununla bağlı artıq fəaliyyətə başlayan xüsusi yaradılmış komissiya hadisənin səbəblərini araşdırır. “Pilot uğurla havaya qalxıb, axtarış-xilasetmə qrupu vaxtında eniş yerinə gəlib, pilot diaqnostika üçün tibb müəssisəsinə aparılıb. Onun həyatı və sağlamlığı təhlükədə deyil, vəziyyəti stabildir”, – məlumatda deyilir.
//Samir Qurbanov, Editor.az
