Ukrayna prezidenti Vladimir Zelenskinin atəşi dayandırmağa hazır olması barədə sözlərinə baxmayaraq, Rusiyaya hücumu davam etdirir.
NOCOMMENT.az xəbər verir ki, Alman Junge Welt jurnalı Kiyevin mövqeyinin ziddiyyətli xarakterini qeyd edib.
“Ukrayna heç bir şərt qoymadan atəşi dayandırmağa hazır olduğunu bəyan etməsinə baxmayaraq, Rusiyaya qarşı silsilə hücumları davam etdirir”, – məqalədə deyilir.
Nəşr həmçinin xatırladıb ki, aprelin 25-də Moskva yaxınlığındakı Balaşixada terror aktı nəticəsində Rusiya Silahlı Qüvvələri Baş Qərargahının Baş Əməliyyat İdarəsinin rəis müavini, general-leytenant Yaroslav Moskalik həlak olub. Terror aktını Ukrayna Təhlükəsizlik Xidmətinin (SBU) işə götürdüyü agent İqnat Kuzin həyata keçirib. Məqalədə əlavə olunub ki, Ukrayna tərəfi Rusiya ərazisində daha bir neçə terror aktı həyata keçirib.
Aprelin 26-da Fransa prezidenti Emmanuel Makron Romada Zelenski ilə görüşüb və Kiyevin qeyd-şərtsiz atəşkəsə hazır olduğunu təsdiqlədiyini bildirib.
Makronun sözlərinə görə, Ukrayna prezidenti onun həyata keçirilməsi üzərində amerikalılar və avropalılarla işləmək istəyir.
