"Football-plus.az" bu münasibətlə komandanön baş məşqçisi Fərid Namazovun təəssüratını öyrəndi:
"Əlbəttə, sevincliyik. Çünki geridə qalan aylar ərzində çəkdiyimiz əziyyətin qarşılığını aldığını düşünürəm. Burda təkcə məşqçilər korpusuyla futbolçuların yox, həm də klub rəhbərliyinin və İmişli camaatının böyük əməyi var. Mövsümün sonuna 4 tur qalmış premyer-liqaya vəsiqə qazandıq. Amma bu o demək deyil ki, növbəti matçlarda zəif çıxış edə bilərik. Futbolçulara bu məsələylə bağlı tövsiyələr vermişik. Qeyri-peşəkar addım ata bilmərik. Hələ birinci hədəfə çatmışıq. İkinci məqsədimiz mövsümü 2-ci pillədə başa vurmaqdı. Sona qədər bu amal uğrunda mübarizəmizi davam etdirəcəyik".
Mütəxəssisdən mövsümün qısa icmalı:"Zədəli və cəzalı futbolçularımızın çoxluğu, bəlkə də öz səhvlərimiz üzündən bəzi dövrlərdə qeyri-sabit çıxış etsək də, uğurlu mövsüm keçirdiyimizi düşünürəm. Belə hallar futbolun bir parçasıdı. Əsas odu ki, vaxtında toparlanıb xal ehtiyatımızı lazımi qədər artırdıq. Məncə, mövsüm ərzində buraxdığımız səhvlərin öhdəsindən gəldik. Komanda olaraq, həm məşqçilər korpusu, həm də futbolçular əlindən gələni etdi ki, mövsümü uğurlu keçirək".
KƏNAN BAHADIR